ວັນທີ 6 ກໍລະກົດ 2022 ນີ້ ຫ້ອງວ່າການ ແຂວງອຸດົມໄຊ ໄດ້ຈັດພິທີ ປາຖະກະຖາ ວັນສຳຄັນທາງປະຫວັດສາດ ຂອງຊາດ ແລະ ຂອງແຂວງ ຂຶ້ນທີ່ຫ້ອງປະຊຸມ ຂອງຕົນ ເຊິ່ງໃຫ້ກຽດປາຖະກະຖາ ໂດຍທ່ານນາງ ອຳໄພວອນ ປັນຍາລັກ ກຳມະການພັກແຂວງ, ຫົວຫນ້າຫ້ອງວ່າການ ແຂວງອຸດົມໄຊ ແລະ ຄະນະຫ້ອງວ່າການແຂວງ ພັດປ່ຽນກັນຂື້ນປາຖະກະຖາ.
![](https://www.oudomxay.gov.la/site/wp-content/uploads/2022/07/292453163_4992951544148682_6547351824765693644_n.jpg)
![](https://www.oudomxay.gov.la/site/wp-content/uploads/2022/07/292108590_4992951507482019_6403420935401023964_n.jpg)
![](https://www.oudomxay.gov.la/site/wp-content/uploads/2022/07/292428018_4992951494148687_8559514096528601939_n.jpg)
ວັນສໍາຄັນ ທາງປະຫວັດສາດ ຂອງຊາດ ແລະ ຂອງແຂວງ ທີ່ນໍາມາປາຖະກະຖາ ໃນຄັ້ງນີ້ ປະກອບມີ: ວັນສ້າງຕັ້ງ ແຂວງອຸດົມໄຊ ຄົບຮອບ 60 ປີ,ວັນສ້າງຕັ້ງ ກຳລັງປ້ອງກັນຄວາມສະຫງົບ ແຂວງອຸດົມໄຊຄົບຮອບ 60 ປີ,ວັນສ້າງຕັ້ງ ສາຍພົວພັນ ການທູດ ລາວ – ຫວຽດນາມ ຄົບຮອບ 60 ປີ ແລະ ວັນເຊັນສົນທິສັນ ຍາ ມິດຕະພາບ ແລະ ການຮ່ວມມື ລາວ – ຫວຽດນາມ ຄົບຮອບ 45 ປີ. ໃນນີ້ ໄດ້ຍົກໃຫ້ເຫັນເຖິງ ປະຫວັດຄວາມເປັນມາ ແລະ ການເຕີບໃຫຍ່ຂະຫຍາຍຕົວ ຂອງແຂວງອຸດົມໄຊ ແລະ ກຳລັງປ້ອງກັນຄວາມສະຫງົບແຂວງ ໃນເມື່ອກ່ອນຈົນເຖິງປັດຈຸບັນ,ການຊີ້ນຳ – ນໍາພາ ຂອງການນໍາແຂວງ ແຕ່ລະສະໄຫມ. ລວມທັງ ການພົວພັນ,ຮວມມື,ການຊ່ວຍເຫລືອເຊິ່ງກັນ ແລະ ກັນ,ການເພີ່ມທະວີ ຄວາມສາມັກຄີ ຮັກແພງ ຕະຫລອດຮອດການຄ້າ ແລະ ການລົງທຶນ ລະຫວ່າງ 2 ຊາດ ລາວ – ຫວຽດນາມ ເວົ້າລວມ,ເວົ້າສະເພາະກໍຄື ແຂວງອຸດົມໄຊ ກັບບັນດາແຂວງແຮກສ່ຽວ ແລະ ແຂວງ ພົວພັນຮ່ວມມື ຂອງ ສສ ຫວຽດນາມ. ເຊິ່ງການປາຖະກະຖາ ໃນຄັ້ງນີ້ ກໍເພື່ອເຮັດໃຫ້ ພະນັກງານ – ລັດຖະກອນ ພາຍໃນ ຫ້ອງວ່າການ ແຂວງອຸດົມໄຊ ຮັບຮູ້,ເຂົ້າໃຈແຈ້ງ ກ່ຽວກັບ ວັນສຳຄັນ ດັ່ງກ່າວ ແລ້ວພ້ອມກັນ ສືບຕໍ່ຈັດຕັ້ງປະຕິບັດ ເຂົ້າໃນການເຄື່ອນໄຫວວຽກງານຂອງຕົນ ໃຫ້ໄດ້ຮັບຫມາກຜົນ ແລະ ມີຜົນສຳເລັດຕາມລະດັບຄາດຫມາຍ, ເຮັດໃຫ້ວັນປະຫວັດສາດ ດັ່ງກ່າວ ກາຍເປັນວັນທີ່ມີຄວາມຫມາຍ ແລະ ຄວາມສຳຄັນ.
ໃນພິທີ ປາຖະກະຖາ ຄັ້ງນີ້ ມີພະນັກ ງານ – ລັດຖະກອນ ພາຍໃນ ຫ້ອງວ່າການ ແຂວງອຸດົມໄຊ ເຂົ້າຮ່ວມຮັບຟັງ.