ກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ ໄດ້ໄຂຂຶ້ນຢ່າງເປັນທາງການ ໃນວັນທີ 21-22 ມິຖຸນາ 2010 ຢູ່ທີ່ສະໂມສອນຂອງແຂວງ ພາຍໃຕ້ຄຳຂວັນ “ເພີ່ມທະວີຄວາມສາມັກຄີເປັນປຶກແຜ່ນ, ເສີມຂະຫຍາຍກຳລັງແຮງສັງລວມຢ່າງຕັ້ງໜ້າ ເພື່ອສືບຕໍ່ຊຸກຍູ້ພາລະກິດປ່ຽນແປງໃໝ່ພາຍໃຕ້ການນຳພາຂອງພັກດ້ວຍບາດກ້າວປ່ຽນແປງໃໝ່ທີ່ໜັກແໜ້ນ, ປົກປັກຮັກສາ ແລະ ພັດທະນາແຂວງອຸດົມໄຊ ຂອງພວກເຮົາ ຕາມຈຸດໝາຍສັງຄົມນິຍົມ”, ກອງປະຊຸມຄັ້ງນີ້ໃຫ້ກຽດເຂົ້າຮ່ວມຂອງ ສະຫາຍ ອາຊາງ ລາວລີ ກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຮອງນາຍົກລັດຖະມົນຕີ, ປະທານກວດກາສູນກາງພັກ, ມີຜູ້ແທນສົມບູນເຂົ້າຮ່ວມ 191 ສະຫາຍ, ຍິງ 15 ສະຫາຍ ທີ່ເປັນຕົວແທນໃຫ້ແກ່ໜ່ວຍພັກໃນທົ່ວແຂວງ 606 ໜ່ວຍ ແລະ ສະມາຊິກພັກ ຈຳນວນ 8.584 ສະຫາຍ. ກອງປະຊຸມໄດ້ປ່ອນບັດຄັດເລືອກເອົາຄະນະບໍລິຫານງານພັກແຂວງ ຈຳນວນ 29 ສະຫາຍ, ຍິງ 3 ສະຫາຍ; ໃນນີ້, ກຳມະການປະຈຳພັກແຂວງ 9 ສະຫາຍ, ຍິງ 1 ສະຫາຍ ຄື:
- ສະຫາຍ ຄຳຫຼ້າ ລິ້ງນະສອນ ເປັນເລຂາຄະນະບໍລິຫານງານພັກແຂວງ, ເຈົ້າແຂວງ
- ສະຫາຍ ຄຳແພງ ຈິດຕະວົງ ເປັນຮອງເລຂາຄະນະບໍລິຫານງານພັກແຂວງ
- ສະຫາຍ ຄຳພຽງ ຢາຈົງວາ ເປັນກຳມະການປະຈຳພັກແຂວງ
- ສະຫາຍ ບຸນລອດ ອ່ອນພະຈັນ ເປັນກຳມະການປະຈຳພັກແຂວງ
- ສະຫາຍ ນາງ ສົມລີ ສຸພັນທອງ ເປັນກຳມະການປະຈຳພັກແຂວງ, ຮອງເຈົ້າແຂວງ
- ສະຫາຍ ພັອ ຈັນທະວອນ ໄຊຍະຜົງ ເປັນກຳມະການປະຈຳພັກແຂວງ
- ສະຫາຍ ບຸນທັນ ວັນນະໄຈ ເປັນກຳມະການປະຈຳພັກແຂວງ
- ສະຫາຍ ໂອວາດ ຈັນທະວົງ ເປັນກຳມະການປະຈຳພັກແຂວງ
- ສະຫາຍ ຄຳເສົາ ຈັນທະປັນຍາ ເປັນກຳມະການປະຈຳພັກແຂວງ
- ສະຫາຍ ຈັນແພງ ແກ້ວສີວັນ ເປັນກຳມະການພັກແຂວງ
- ສະຫາຍ ສົມແກ້ວ ມະນີວັນ ເປັນກຳມະການພັກແຂວງ
- ສະຫາຍ ພອນສະຫວັນ ພັນທະວິຈິດ ເປັນກຳມະການພັກແຂວງ
- ສະຫາຍ ຫຸມແພງ ສຸດທິວົງ ເປັນກຳມະການພັກແຂວງ
- ສະຫາຍ ຫຸມແພງ ມິ່ງບຸບຜາ ເປັນກຳມະການພັກແຂວງ
- ສະຫາຍ ທອງພຽນ ຢູລີໄຊ ເປັນກຳມະການພັກແຂວງ
- ສະຫາຍ ກາສີ ນັນທະລາດ ເປັນກຳມະການພັກແຂວງ
- ສະຫາຍ ນາງ ຄຳມີ ສຸກສະຫວັດ ເປັນກຳມະການພັກແຂວງ
- ສະຫາຍ ຄຳແສນ ຊາວມົງວື ເປັນກຳມະການພັກແຂວງ
- ສະຫາຍ ບຸນລຽນ ວໍລະກົດ ເປັນກຳມະການພັກແຂວງ
- ສະຫາຍ ສົມຟອງ ແສງຈັນທະລາ ເປັນກຳມະການພັກແຂວງ
- ສະຫາຍ ຄຳດີ ວົງລ້ອມ ເປັນກຳມະການພັກແຂວງ
- ສະຫາຍ ຄຳອິ່ນ ອຸ່ນລະຄອນ ເປັນກຳມະການພັກແຂວງ
- ສະຫາຍ ພັອ ນິລະວົງ ເຈືອງຕະວະລາດ ເປັນກຳມະການພັກແຂວງ
- ສະຫາຍ ກອງແກ້ວ ພູນທິລັດ ເປັນກຳມະການພັກແຂວງ
- ສະຫາຍ ນາງ ຈັນສະໜອນ ທິບພະຫົງ ເປັນກຳມະການພັກແຂວງ
- ສະຫາຍ ສົມຈິດ ປັນຍາສັກ ເປັນກຳມະການພັກແຂວງ
- ສະຫາຍ ສຸຫວັດ ມະຫາວົງສະນັ່ນ ເປັນກຳມະການພັກແຂວງ
- ສະຫາຍ ໄຈເພັດ ຄຳມະລີ ເປັນກຳມະການພັກແຂວງ
- ສະຫາຍ ຄຳເພົ້າ ສີລິສຸກ ເປັນກຳມະການພັກແຂວງ
ມາຮອດ ເດືອນ ກັນຍາ 2014 ສະຫາຍ ນາງ ສົມລີ ສຸພັນທອງ, ກຳມະການປະຈຳພັກແຂວງ, ຮອງເຈົ້າແຂວງ ໄດ້ອອກພັກຜ່ອນຮັບເບ້ຍບຳນານ. ມາຮອດປີ 2015 ປະທານປະເທດ ໄດ້ອອກລັດຖະດຳລັດ ເລກທີ 114/ປປທ, ລົງວັນທີ 18 ສິງຫາ 2015 ຍົກຍ້າຍ ສະຫາຍ ຄຳຫຼ້າ ລິ້ງນະສອນ ເລຂາພັກແຂວງ, ເຈົ້າແຂວງໆອຸດົມໄຊ ໄປຮັບໜ້າທີ່ໃໝ່ຢູ່ສູນກາງແນວລາວສ້າງຊາດ ແລະ ນາຍົກລັດຖະມົນຕີ ອອກດຳລັດ ເລກທີ 220/ນຍ, ລົງວັນທີ 9 ກໍລະກົດ 2016 ວ່າດ້ວຍການແຕ່ງຕັ້ງ ສະຫາຍ ເພັດສາຄອນ ຫຼວງອາໄພ ເປັນເລຂາພັກແຂວງ, ເຈົ້າແຂວງອຸດົມໄຊ.
ມາຮອດກອງປະຊຸມກາງສະໄໝ ຄະນະບໍລິຫານງານພັກແຂວງ ສູນກາງພັກໄດ້ບົ່ງຕົວແຕ່ງຕັ້ງ ສະຫາຍ ຄຳພຽງ ຢາຈົງວາ ກຳມະການປະຈຳພັກແຂວງ ເປັນຮອງເລຂາພັກແຂວງ ຊີ້ນຳວຽກງານພັກ-ພະນັກງານ.
ຂໍ້ມູນຈາກ: ປື້ມປະຫວັດສາດແຂວງອຸດົມໄຊ ສະບັບປີ 2022