ຕອນເຊົ້າວັນທີ 31 ມັງກອນນີ້ ຄະນະນໍາຂັ້ນສູນກາງ, ຂັ້ນແຂວງ ແລະ ເມືອງ ທີ່ເດີນທາງມາຮ່ວມກອງປະຊຸມປະຈໍາປີ ແຜນງານໜຶ່ງດຽວທີ່ມີສ່ວນຮ່ວມຫຼາຍຂະແໜງການ ທີ່ ແຂວງອຸດົມໄຊ ເປັນເຈົ້າພາບ ກໍໄດ້ລົງໄປຢ້ຽມຢາມກິດກະຈະກໍາ ຂອງໂຄງການປິ່ນອ້ອມແຜນງານໜຶ່ງດຽວທີ່ມີສ່ວນຮ່ວມຫຼາຍຂະແໜງການ ເພື່ອໂພສະນາການ ຢູ່ ບ້ານຫ້ວຍຈາຍ, ເມືອງຫຼາ ນຳໂດຍ ທ່ານ ປອ ສະຖາບັນດິດ ອິນສີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ປອ ສຸລິອຸດົງ ສູນດາລາ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານຮອງເຈົ້າແຂວງອຸດົມໄຊ, ເຈົ້າເມືອງ-ຮອງເຈົ້າເມືອງ ຈາກເມືອງນາໝໍ້, ເມືອງ ຄໍາ, ເມືອງ ໜອງແຮດ, ເມືອງສໍາພັນ, ເມືອງບຸນໃຕ້, ເມືອງຂວາ, ເມືອງຊໍາໃຕ້, ເມືອງກວັນ, ເມືອງຊ່ອນ ແລະ ເມືອງ ຫົວເມືອງ ເຂົ້າຮ່ວມ.ໃນການລົງຢ້ຽມຢາມກິດຈະກຳ ກໍໄດ້ຮັບຟັງການລາຍງານການຈັດຕັ້ງປະຕິບັດກິດຈະກຳຂອງໂຄງການ ຢູ່ ບ້ານຫວຍຈາຍ, ເມືອງຫຼາ ໂດຍມີທັງໝົດ 5 ໂຄງການ ໃນນັ້ນ ມີກອງທຶນຫຼຸດຜ່ອນຄວາມທຸກຍາກ, ໂຄງການຫຼຸດຜ່ອນຄວາມທຸກຍາກ ແລະ ຂາດໂພສະນາການໃນເຂດຊົນນະບົດ, ໂຄງການກະສິກຳ ເພື່ອໂພສະນາການ, ໂຄງການເຂົ້າເຖິງການບໍລິການດ້ານສາທາລະນະສຸກ ແລະ ໂພສະນາການ ແລະ ໂຄງການແຜນງານສົ່ງເສີມອາຫານທ່ຽງໃນໂຮງຮຽນ. ຜ່ານການຈັດຕັ້ງປະຕິບັດເຮັດໃຫ້ປະຊາຊົນພາຍໃນບ້ານແມ່ນມີຄວາມຮູ້ ຄວາມສາມາດໃນການພັດທະນາຄອບຄົວເພີ່ມຂຶ້ນ, ໄດ້ຮຽນຮູ້ວິທີການປູກ-ການລ້ຽງ ຢ່າງຖືກຫຼັກການ, ມີເສັ້ນທາງເຂົ້າເຖິງເຂດທຳການຜະລິດ, ກຸ່ມເປົ້າໝາຍແມ່ມານໄດ້ຮັບການຝາກທ້ອງຄົບຕາມຫຼັກການທາງການແພດ, ແມ່ມານ ແມ່ລູກອ່ອນເຂົ້າໃຈກ່ຽວກັບການໃຫ້ອາຫານລູກທີ່ມີໂພສະນາການ ແລະ ສາມາດປະຕິບັດຖືກຫຼັກການຢູ່ໃນຄອບຄົວ, ເດັກໄດ້ຮັບການຕິດຕາມການຈະເລີນເຕີບໂຕ ແລະ ສັກຢາເປັນປົກກະຕິ ມີສຸຂະພາບແຂງແຮງ, ປະຊາຊົນເຊື່ອມຊຶມເລິກເຊິ່ງ ກ່ຽວກັບວຽກງານ ສຸຂະສຶກສາ ແລະ ດ້ານການສຶກສາ.
ບົດຄວາມທີ່ໜ້າສົນໃຈ
![ວຽກງານ ການລົງທຶນ](https://www.oudomxay.gov.la/wp-content/uploads/2024/03/2024-03-06-10.54.05.jpeg)
ກອງປະຊຸມ ການຄົ້ນຄວ້າ ການລົງທຶນ ການແກ້ໄຂ ບັນຫາ ເຄັ່ງຮ້ອນດ້ານ ເສດຖະກິດ-ການເງິນ
ກອງປະຊຸມ ຂອງຂະແຫນງ ເສດຖະກິດ ຄັ້ງທີ II ພາຍໃຕ້ຫົວຂໍ້ ກ່ຽວກັບຂອດການປະສານງານ ການຄົ້ນຄວ້າ ອະນຸຍາດການລົງທຶນ ການແກ້ໄຂບັນຫາເຄັ່ງຮ້ອນດ້ານ…
![](https://www.oudomxay.gov.la/wp-content/uploads/2021/08/FB_IMG_1629186946833.jpg)
ສະເຫຼີມສະຫຼອງວັນສ້າງຕັ້ງ ລັດຖະທຳມະນູນ ຄົບຮອບ 30 ປີ ແລະ ວັນສ້າງຕັ້ງ ສານປະຊາຊົນ ຄົບຮອບ 39 ປີ
ແຂວງອຸດົມໄຊ ຈັດພິທີສະເຫຼີມສະຫຼອງວັນສ້າງຕັ້ງ ລັດຖະທໍາມະນູນ ຄົບຮອບ 30 ປີ (15 ສິງຫາ 1991–15 ສິງຫາ…
![](https://www.oudomxay.gov.la/wp-content/uploads/2023/06/352362601_1307773296610800_1074454188549135661_n.jpg)
ຝຶກອົບຮົມ ການນຳໃຊ້ລະບົບຫ້ອງການທັນສະໄໝ (E-Office)
ໂດຍປະຕິບັດຕາມທິດການຫັນເປັນທັນສະໄໝຂອງ ລັດຖະບານ, ທິດຊີ້ນຳຂອງທ່ານເຈົ້າແຂວງອຸດົມໄຊ ໃນການຫັນເປັນທັນສະໄໝ ວຽກງານ ຈໍລະຈອນ ແລະ ຄຸ້ມຄອງ ບໍລິຫານ ເອກະສານ…