ຕອນບ່າຍ ຂອງວັນທີ 14 ມີນາ 2024 ບໍລິສັດ ສະຕາໂທລະຄົມ ຫຼື Unitel ມອບ ອິນເຕີເນັດ ຄວາມໄວສູງ ໄລຍະນຳໃຊ້ 1ປີ ໃຫ້ ແຂວງອຸດົມໄຊ ນຳໃຊ້ເຂົ້າໃນ ວຽກງານຂອງພາກລັດ ເພື່ອຫັນເປັນທັນສະໄໝເປັນຕົ້ນແມ່ນ: ການຄົ້ນຫາຂໍ້ມູນ ການສົ່ງເອກະສານ ການສື່ສານ ແລະ ການປະຊຸມທາງໄກ ແລະ ອື່ນໆ
ຕາງໜ້າມອບໂດຍ ທ່ານ ທ່ານ ລວຽນງ໋ອກຢຸຍ ອຳນວຍການບໍລິສັດ Unitel ສາຂາ ແຂວງອຸດົມໄຊ ພ້ອມດ້ວຍທີມງານຂອງ Unitel ຢູ່ ແຂວງອຸດົມໄຊ ແລະ ຕາງໜ້າຮັບແມ່ນ ທ່ານ ນ. ອຳໄພວອນ ປັນຍາລັກ ກຳມະການພັກແຂວງ ຫົວໜ້າ ຫ້ອງວ່າການ ແຂວງອຸດົມໄຊ ພ້ອມດ້ວຍຄະນະ.
![Unitel ມອບ ອິນເຕີເນັດ](https://www.oudomxay.gov.la/wp-content/uploads/2024/03/unitel.jpg)
![internet unitel](https://www.oudomxay.gov.la/wp-content/uploads/2024/03/internet-unitel.jpg)
ອິນເຕີເນັດ Unitel ໄດ້ຕິດຕັ້ງ ໃຫ້ ຫ້ອງວ່າການແຂວງ ແລະ ຫ້ອງວ່າການ 7 ເມືອງ
ອິນເຕີເນັດ Unitel ທີ່ມອບຄັ້ງນີ້ ມີຈຳນວນ ທັງໝົດ 8 ແອັກຄາວ ລວມມູນຄ່າ 18,720,000 ກີບ (ສິບແປດລ້ານ ເຈັດແສນ ຊາວພັນ ກີບ) ແລະ ອິນເຕີເນັດ ດັ່ງກ່າວນີ້ແມ່ນໄດ້ຕິດຕັ້ງຢູ່ ຫ້ອງວ່າການແຂວງ ແລະ ບັນດາ ຫ້ອງວ່າການເມືອງ 7 ເມືອງ ຢູ່ ແຂວງອຸດົມໄຊ ໄດ້ສຳເລັດ ຮຽບຮ້ອຍແລ້ວ.