ວັນທີ 10 ພະຈິກນີ້ ທ່ານ ລໍາພອນ ສະຫວັດດີ ຕາງຫນ້າຄະນະຮັບຜິດຊອບ ຮັບເຄື່ອງຊ່ວຍເຫຼືອ ວຽກງານປ້ອງກັນ, ຄວບຄຸມ ແລະ ແກ້ໄຂ ການລະບາດຂອງເຊື້ອພະຍາດ ໂຄວິດ-19 ຂອງແຂວງອຸດົມໄຊ ໄດ້ນຳເອົາ ເຄື່ອງອຸປະໂພກ-ບໍລິໂພກ ຈໍານວນຫນຶ່ງ ລົງມອບໃຫ້ເຈົ້າຫນ້າທີ່ ປກຊ – ປກສ ທີ່ກໍາລັງປະຕິບັດຫນ້າທີ່ໃນການປ້ອງກັນຢູ່ບັນດາຈຸດຕ່າງໆ ພາຍໃນເທດສະບານເມືອງໄຊ, ແຂວງອຸດົມໄຊ ໂດຍສະເພາະແມ່ນ ຈຸດກັກກັນ ແລະ ດ່ານກວດກາ ຄົນເຂົ້າ – ອອກ. ສໍາລັບເຄື່ອງອຸປະໂພກ-ບໍລິໂພກ ທີ່ຄະນະຮັບຜິດຊອບ ຮັບເຄື່ອງຊ່ວຍເຫຼືອ ນຳເອົາໄປມອບ ແມ່ນໄດ້ມາຈາກການອຸປະຖຳ ແລະ ຊ່ວຍເຫຼືອ ຂອງພາກລັດ, ນັກທຸລະກິດ, ຜູ້ປະກອບການ, ປະຊາຊົນ ພາຍໃນແຂວງ ແລະ ຊາວຕ່າງປະເທດ ເອົາມາປະກອບສ່ວນເຂົ້າໃນວຽກງານ ປ້ອງກັນ, ຄວບຄຸມ ແລະ ແກ້ໄຂ ການລະບາດຂອງເຊື້ອພະຍາດ ໂຄວິດ-19. ເຊິ່ງເຄື່ອງຈຳນວນດັ່ງກ່າວປະກອບມີ: ນໍ້າດື່ມ ຈໍານວນ 5 ແພັກ, ປ໋ອງປາ 9 ແພັກ, ຫມີ່ 9 ແກັດ, ໄຂ່ 9 ແຕະ, ຜ້າອັດປາກ-ດັງ ຈໍານວນ 20 ກັບ ແລະ ເຈວລ້າງມື 5 ກ໋ອງ. ມອບໃຫ້ແກ່ ຈຸດກັກກັນ ໂຮງຮຽນສາທາລະນະສຸກແຂວງ, ໂຮງແຮມເຢິນຕ້າ, ໂຮງແຮມມິດຕະພາບ, ໂຮງແຮມນ້ຳຫນຶ່ງ, ຈຸດກວດກາ ຄົນເຂົ້າ-ອອກ ບ້ານຫ້ວຍຂຸມ ແລະ ກອງພັນປ້ອງກັນເຄື່ອນທີ່. ສໍາລັບການປະຕິບັດຫນ້າທີ່ຂອງເຈົ້າຫນ້າທີ່ ຢູ່ບັນດາຈຸດຕ່າງໆ ຍັງຈະສືບຕໍ່ຈົນກວ່າສະຖານະການ ການລະບາດຂອງເຊື້ອພະຍາດໂຄວິດ-19 ຢູ່ພາຍໃນແຂວງອຸດົມໄຊ ຈະເບົາບາງລົງ.
ບົດຄວາມທີ່ໜ້າສົນໃຈ
ທ່ານ ຮອງເລຂາພັກແຂວງ ລົງຍ້ຽມຢາມ ແລະ ກວດກາຄວາມພ້ອມຂອງພື້ນທີ່ຈະສ້າງໂຮງງານຜະລິດແປ້ງມັນຕົ້ນ ຢູ່ເມືອງຮຸນ
ວັນທີ 29 ມີຖຸນາ 2023 ນີ້, ທ່ານ ຄຳພຽງ ຢາຈົງວາ ຮອງເລຂາພັກ ແຂວງອຸດົມໄຊ…
ບໍລິສັດ ອຳມະຕະ ມອບເຄື່ອງຊ່ວຍເຫຼືອ ແຂວງອຸດົມໄຊ 350ລ້ານ
ທ່ານ ວະລົງ ຕັງປະພຶດກຸນ ອໍານວຍການ ບໍລິສັດ ອໍາມະຕະ ຊີຕີ້ລາວ ຈຳກັດ ພ້ອມດ້ວຍທິມງານ ໄດ້ນຳເອົາເຄື່ອງ…
ບັນດາບໍລິສັດ ອຸປະຖຳ ເພື່ອປ້ອງກັນ ຄວບຄຸມ ແລະ ແກ້ໄຂ ການລະບາດຂອງພະຍາດ ໂຄວິດ-19 ທີ່ແຂວງອຸດົມໄຊ
ເພື່ອເປັນການປະກອບສ່ວນເຂົ້າໃນການປ້ອງກັນແລະແກ້ໄຂການລະບາດພະຍາດໂຄວິດ19ຢູ່ແຂວງອຸດົມໄຊໃຫ້ມີຄວາມປອດໄພ ມາໃນລະຫວ່າງວັນທີ 27-28 ເມສານີ້ ຫລາຍພາກສ່ວນ ໄດ້ນຳເອົາເງິນສົດແລະນ້ຳດຶ່ມມາມອບໃຫ້ແກ່ຄະນະສະເພາະກິດເພື່ອປ້ອງກັນ,ຄວບຄຸມແລະແກ້ໄຂການລະບາດພະຍາດໂຄວິດ19ແຂວງອຸດົມໄຊ. ໃນນີ້ລວມມີ ທະນາຄານແຫ່ງ ສປປ ລາວ…