ວັນທີ 11 ພະຈິກ ນີ້ ທ່ານ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ ພ້ອມດ້ວຍຄະນະພັກ ອົງການປົກຄອງຂັ້ນແຂວງ ແລະ ຄະນະພັກອົງການປົກຄອງ ເມືອງຫຼາ ໂດ້ລົງເຄື່ອນໄຫວພົບປະ ປະຊາຊົນ ເຂດອາຄັງ, ອາໂນ ແລະ ຕິດຕາມຊຸກຍູ້ການຟື້ນຟູແກ້ໄຂໄພພິບັດທີ່ເກີດຂຶ້ນຢູ່ເມືອງຫຼາ ແຂວງອຸດົມໄຊ.
![](https://www.oudomxay.gov.la/site/wp-content/uploads/2022/11/315419851_134096362758199_1018537798221014045_n.jpg)
![](https://www.oudomxay.gov.la/site/wp-content/uploads/2022/11/315464831_134096646091504_6864547721779847823_n.jpg)
![](https://www.oudomxay.gov.la/site/wp-content/uploads/2022/11/315404107_134096192758216_7033642146131275266_n.jpg)
ໃນການລົງເຄື່ອນໄຫວພົບປະ ປະຊາຊົນຢູ່ເຂດອາຄັງ – ອາໂນ ເມືອງຫຼາຄັ້ງນີ້ທ່ານໄດ້ຮັບຟັງການລາຍງານສະພາບການເຄື່ອນໄຫວຈັດຕັ້ງປະຕິບັດວຽກງານຂອງຄະນະພັກອົງການປົກຄອງບ້ານ ໂດບໄດ້ຍົກໃຫ້ຮູ້ສະພາບລວມ ການພັດທະນາເສດຖະກິດ – ສັງຄົມ, ບັນຫາຕ່າງທີ່ປະສົບພັບພໍ້ຢູ່ພາຍໃນບ້ານ ແລະ ທິດທາງແຜນການໃນການສືບຕໍ່ພັດທະນາ. ໂອກາດນີ້ທ່ານເຈົ້າແຂວງກໍໄດ້ສົນທະນາເຖິງບັນຫາຕ່າງໆທີ່ຄວນເອົາໃຈໃສ່ ແລະ ພ້ອມກັນແກ້ໄຂ ພ້ອມດຽວກັນນີ້ກໍໄດ້ມີຄໍາຄິດຄຳເຫັນໂອ້ລົມ ແລະ ໃຫ້ທິດຊີ້ນຳແກ່ຄະນະອົງການປົກຄອງບ້ານ ເປັນຕົ້ນແມ່ນໃຫ້ຄະນະພັກອົງການປົກຄອງບ້ານສືບຕໍ່ໃນການປັບປຸງກົງຈັກການຈັດຕັ້ງຂອງບ້ານໃຫ້ມີຄວາມເຂັ້ມແຂງ , ປຸກລະດົມແນວຄວາມຄິດຂອງປະຊາຊົນພາຍໃນບ້ານໃຫ້ມີສະຕິ ມີຄວາມຕື່ນຕົວປະກອບສ່ວນເຂົ້າໃນການປະຕິບັດລະບຽບກົດໝາຍ ເປັນເຈົາການໃນການປະຕິບັດວຽກງານປ້ອງກັນຊາດ ປ້ອງກັນຄວາມສະຫງົບພາຍໃນບ້ານ ເພື່ອເຮັດໃຫ້ພາຍໃນບ້ານມີຄວາມສະຫງົບປອດໄພ ພ້ອມກັນພັດທະນາຊີວິດການເປັນຢູ່ດ້ວຍການປູກ, ການລ້ຽງຕາມທ່າແຮງເງື່ອນໄຂ ເພື່ອສ້າງລາຍຮັບໃຫ້ແກ່ຄອບຄົວແກ້ໄຂຊີວິດການເປັນຢູ່ໃຫ້ນັບມື້ດີຂຶ້ນ ທີ່ສຳຄັນອີກບັນຫາໜື່ງທ່ານໄດ້ຮຽກຮ້ອງໃຫ້ຄະນະພັກອົງການປົກຄອງບ້ານ ແລະ ປະຊາຊົນພາຍໃນບ້ານໃຫ້ພ້ອມກັນສືບຕໍ່ເອົາໃຈໃສ່ໃນການຈັດຕັ້ງປະຕິບັດສອງວາລະແຫ່ງຊາດ ໂດຍສະເພາະແມ່ນວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ເຊິ່ງເປັນບັນຫາທີ່ສໍາຄັນທີ່ຈະເຮັດໃຫ້ພາຍໃນບ້ານມີຄວາມສະຫງົບປອດໄພ ພ້ອມກັນປະຕິບັດແຜນພັດທະນາເສດຖະກິດ – ສັງຄົມຂອງບ້ານໃຫ້ບັນລຸຕາມຄາດໝາຍທີ່ວາງໄວ້.
![](https://www.oudomxay.gov.la/site/wp-content/uploads/2022/11/313428499_134097266091442_5076180992051070575_n-1024x682.jpg)
![](https://www.oudomxay.gov.la/site/wp-content/uploads/2022/11/314947535_134096779424824_8233940234467120357_n.jpg)
![](https://www.oudomxay.gov.la/site/wp-content/uploads/2022/11/315200009_134096476091521_4217881070278984759_n.jpg)
ຈາກນັ້ນ, ໄດ້ນໍາເອົາເຄື່ອງນຸ່ງຫົ່ມໄປມອບໃຫ້ແກ່ປະຊາຊົນຕື່ມອີກ.
ຫຼັງຈາກນັ້ນທ່ານເຈົ້າແຂວງອຸດົມໄຊພ້ອມດ້ວຍຄະນະກໍໄດ້ສືບຕໍ່ລົງເຄື່ອນໄຫວຕິດຕາມການແກ້ໄຂຟື້ນຟູສະພາບໄພພິບັດທີ່ເກີດຂຶ້ນຢູ່ຂັ້ນເມືອງ ໂດຍສະເພາະແມ່ນໄດ້ລົງກວດກາເບິ່ງເຂດທີ່ຈະຈັດສັນຕັ້ງພູມລຳເນົາໃຫ້ປະຊົນທີ່ໄດ້ັຮບຜົນກະທົບເຮືອນໄຫຼນໍ້າ.