ມີ ທ່ານ ປອ ຄຳຫຼ້າ ລໍວານໄຊ, ຫົວໜ້າກົມກວດກາ, ສະຖາບັນການເມືອງ ແລະ ການປົກຄອງແຫ່ງຊາດ, ມີຫົວໜ້າ-ຮອງຫົວໜ້າພະແນກການອ້ອມຂ້າງແຂວງ, ຄະນະ ຄູ-ອາຈານ ແລະ ນັກສືກສາ ການເມືອງ-ການປົກຄອງ ເຂົ້າຮ່ວມ.
ມີ ທ່ານ ປອ ຄຳຫຼ້າ ລໍວານໄຊ, ຫົວໜ້າກົມກວດກາ, ສະຖາບັນການເມືອງ ແລະ ການປົກຄອງແຫ່ງຊາດ, ມີຫົວໜ້າ-ຮອງຫົວໜ້າພະແນກການອ້ອມຂ້າງແຂວງ, ຄະນະ ຄູ-ອາຈານ ແລະ ນັກສືກສາ ການເມືອງ-ການປົກຄອງ ເຂົ້າຮ່ວມ.
ການເຄື່ອນໄຫວພົບປະ ຂອງ ຄະນະ ຄູ-ອານຈານ ແລະ ນັກສຶກສາ ການເມືອງ-ການປົກຄອງ ຊຸດທີ II, ສະຖາບັນການເມືອງ ແລະ ການປົກຄອງແຫ່ງຊາດ ເຊິ່ງມີຄະນະ ຄູ-ອາຈານ ນໍາພາ 6 ທ່ານ, ນັກຝຶກອົບຮົມ 44 ທ່ານ ທີ່ມາຈາກ ຮຮ ທິດສະດີການເມືອງໃນທົ່ວປະເທດ ຄື: ໂຮງຮຽນທິດສະດີກອງທັບ, ວິທະຍາຄານປ້ອງກັນຄວາມສະຫງົບ, ວິທະຍາຄານຕຳຫຼວດ, ວິທະຍາຄານສັນຕິບານປະຊາຊົນ, ກະຊວງສຶກສາ, ສະຖາບັນການເມືອງ ແລະ ການປົກຄອງແຫ່ງຊາດ, ຮຮ ການເມືອງ-ການປົກຄອງ ແຂວງອຸດົມໄຊ, ຫຼວງພະບາງ, ຫົວພັນ, ໄຊຍະບູລີ, ຊຽງຂວາງ, ຫຼວງນໍ້າທາ, ຄໍາມ່ວນ, ສະຫວັນນະເຂດ, ຈໍາປາສັກ, ສາລະວັນ ແລະ ອັດຕະປື.
ຈຸດປະສົງ ເພື່ອເຮັດໃຫ້ທິດສະດີທີ່ໄດ້ຮຽນມາຕິດພັນກັບພຶດຕິກໍາຕົວຈິງ ຢູ່ທ້ອງຖິ່ນ ຮາກຖານ ໃນການພັດທະນາ; ເພື່ອຊອກຮູ້ຂໍ້ມູນຕົວຈິງ ກ່ຽວກັບການນຳພາຂອງພັກ ໃນຂະບວນການຕໍ່ສູ້ກູ້ຊາດ ກໍຄື ການປົກປັກຮັກສາ-ສ້າງສາພັດທະນາປະເທດ ໃນໄລຍະໃໝ່; ເພື່ອໃຫ້ນັກຝຶກອົບຮົມສົມທຽບທິດສະດີ, ແນວທາງ-ນະໂຍບາຍ ແລະ ແຜນພັດທະນາ ເສດຖະກິດ-ສັງຄົມແຫ່ງຊາດ ຕິດພັນກັບພຶດຕິກຳຕົວຈິງ; ເພື່ອຮັບຮູ້ສະພາບ ການຮຽນ-ການສອນ ແລະ ການປະຕິບັດຫຼັກສຸດທິດສະດີ 3 ຂັ້ນ ຂອງໂຮງຮຽນການເມືອງ ແລະ ການປົກຄອງແຂວງອຸດົມໄຊ.
ທ່ານ ປອ ວົງສະຫວັນ ໄຊຍະວົງ ຮອງເລຂາພັກແຂວງ ຕາງໜ້າໃຫ້ການນຳແຂວງອຸດົມໄຊ ຕ້ອນຮັບ ແລະ ລາຍງານສະພາບລວມຂອງແຂວງອຸດົມໄຊ ຕິດພັນກັບ ສະພາບການພັດທະນາ ແລະ ສ້າງຄວາມເຂັ້ມແຂງໃນຂົງເຂດວຽກງານການທ່ອງທ່ຽວ ຕິດພັນກັບການແກ້ໄຂຄວາມທຸກຍາກ. ປະຈຸບັນ ແຂວງອຸດົມໄຊ ໄດ້ກຳນົດຍຸດທະສາດ ສ້າງແຂວງໃຫ້ເປັນແຂວງ 4 ໃຈກາງພັດທະນາ ຄື: ໃຈກາງທາງດ້ານເສດຖະກິດ. ໃຈກາງດ້ານວັດທະນະທຳ-ສັງຄົມ. ໃຈກາງດ້ານການບໍລິການ-ທ່ອງທ່ຽວ ແລະ ໃຈກາງດ້ານປ້ອງກັນຊາດ-ປ້ອງກັນຄວາມສະຫງົບ.
ພາບ-ຂ່າວ: ຄຳພັນ ແກ້ວມະນີ
