ສະພາປະຊາຊົນແຂວງຂື້ນໃນວັນທີ 29 ກັນຍາ 2025 ທີ່ຫ້ອງປະຊຸມຫ້ອງວ່າການແຂວງອຸດົມໄຊ ໂດຍການເປັນປະທານຂອງ ທ່ານ ພົນໂທ ສຸວອນ ເລື່ອງບຸນມີ ກຳມະການສູນກາງພັກ, ຮອງປະທານສະພາແຫ່ງຊາດ, ມີ ທ່ານ ບຸນຄົງ ຫຼ້າຈຽມພອນ ກຳມະການສໍາຮອງສູນກາງພັກ, ເລຂາພັກແຂວງ, ເຈົ້າແຂວງອຸດົມໄຊ, ທ່ານ ຄໍາດີ ວົງລ້ອມ ຮອງເລຂາພັກແຂວງ, ປະທານສະພາປະຊາຊົນແຂວງ, ມີຄະນະປະຈຳພັກແຂວງ, ກຳມະການພັກແຂວງ, ເລຂາ-ຮອງເລຂາພັກເມືອງ, ຄະນະປະຈຳສະພາປະຊາຊົນແຂວງ, ຫົວໜ້າ-ຮອງຫົວໜ້າພະແນກການ-ອົງການ, ສອງກອງບັນຊາການ ປກຊ-ປກສ, ທີມງານຈາກສະພາແຫ່ງຊາດ, ສສຂ ປະຈຳເທດສະບານເມືອງໄຊ, ຄະນະເລຂາທິການ ແລະ ພະນັກງານ-ວິຊາການ ພາຍໃນສະພາປະຊາຊົນແຂວງ ເຂົ້າຮ່ວມ.
ຈຸດປະສົງ ການຝຶກອົບຮົມ ເພື່ອສ້າງຮັບຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ຕໍ່ ພາລະບົດບາດ, ສິດ ແລະ ໜ້າທີ່ ຂອງ ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ທັງເປັນການແນະນໍາ ແລະ ສ້າງຄວາມເອກະພາບ ກ່ຽວກັບໂຄງປະກອບກົງຈັກການຈັດຕັ້ງ ແລະ ບຸກຄະລາກອນຂອງສະພາປະຊາຊົນແຂວງ ແລະ ວຽກກະກຽມ ແລະ ດໍາເນີນການເລືອກຕັ້ງ ສະມາຊິກສະພາແຫ່ງຊາດ ຊຸດທີ 10 ແລະ ສະມະຊິກສະພາປະຊາຊົນແຂວງ ຊຸດທີ 5 ໃຫ້ມີຄວາມເອກະພາບ, ຖືກຕ້ອງ ສອດຄ່ອງ ຕາມກົດໝາຍ ແລະ ເນື້ອໃນຄໍາແນະນໍາຂອງ ຄະນະປະຈຳສະພາແຫ່ງຊາດ. ອົງການອໍານາດແຫ່ງລັດ ໃນ ສປປ ລາວ ນອກຈາກ ອົງການນິຕິບັນຍັດ ຍັງປະກອບມີ ອົງການບໍລິຫານລັດ (ລັດຖະບານ ແລະ ອົງການປົກຄອງທ້ອງຖິ່ນ) ແລະ ອົງການຕຸລາການ (ສານປະຊາຊົນ ແລະ ອົງການໄອຍະການປະຊາຊົນ) ຊຶ່ງເປັນລະບົບສາກົນ. ສະພາແຫ່ງຊາດ ແມ່ນອົງການຕົວແທນແຫ່ງ ສິດ ແລະ ຜົນປະໂຫຍດ ຂອງ ປະຊາຊົນລາວບັນດາເຜົ່າ, ເປັນອົງການສູງສຸດແຫ່ງ ອໍານາດລັດ, ເປັນອົງການນິຕິບັນຍັດ ມີພາລະບົດບາດ ພິຈາລະນາ, ຮັບຮອງເອົາ ລັດຖະທຳມະນູນ ແລະ ກົດໝາຍ, ຕົກລົງບັນຫາສໍາຄັນພື້ນຖານ ຂອງ ປະເທດຊາດ ແລະ ຕິດຕາມ ກວດກາ ການເຄົາລົບ, ປະຕິບັດ ລັດຖະທໍາມະນູນ, ກົດໝາຍ ຂອງບັນດາອົງການລັດ.
ລັດຖະບານ ແຫ່ງ ສປປ ລາວ ແມ່ນ ອົງການບໍລິຫານແຫ່ງລັດ ຊຶ່ງຖືກຮັບຮອງເອົາ ໂດຍ ກອງປະຊຸມສະພາແຫ່ງຊາດ, ມີຄວາມຮັບຜິດຊອບ ຕໍ່ ສະພາແຫ່ງຊາດ ແລະ ປະທານປະເທດ; ມີພາລະບົດບາດ ຄຸ້ມຄອງບໍລິຫານລັດ ຢ່າງຮອບດ້ານ ແລະ ເປັນເອກະພາບ ໃນຂອບເຂດທົ່ວປະເທດ ເປັນຕົ້ນ: ດ້ານການເມືອງ, ການປົກຄອງ, ເສດຖະກິດ-ສັງຄົມ, ປ້ອງກັນຊາດ-ປ້ອງກັນຄວາມສະຫງົບ, ການ ຕ່າງປະເທດ, ການຄຸ້ມຄອງ, ການນໍາໃຊ້ຊັບພະຍາກອນທຳມະຊາດ ໃຫ້ມີຄຸນປະໂຫຍດສູງສຸດ ແລະ ການປົກປັກຮັກສາສິ່ງແວດລ້ອມຕາມທິດ ຍືນຍົງ. ຊຸດອົບຮົມ ຈະໄດ້ດຳເນີນໄປເປັນເວລາ 2 ວັນ ຈິ່ງຈະສຳເລັດ
